Presidenti i SHBA-ve Donald Trump thotë se gjithmonë perpiqet të thotë të vërtetën, me sa ka mundësi, pavaresisht mënyrës se si media e portretizon. “Unë përpiqem”, iu drejtua ai ABC News në një intervistë të transmetuar të enjten. “Gjithmonë dua të them të vërtetën, kur mundem, e them atë. Trump është përballur me kritika të përsëritura nga media dhe nga kundërshtarët e tij, kritika që thonë se ai gënjen dhe shtrembëron të vërtetën.
Nganjeherë, konservatorët gjithashtu e kanë censuruar presidentin. “Ndonjëherë gjërat marrin kthëse të papritur, por gjithnjë parapëlqej të jem i sinqertë”. tha Trump për Jonathan Karl të ABCs. Presidenti gjithashtu përmendi se është “shumë i zoti” në vleresimin e turmave, edhe pse hera e parë kur u ndesh me mediat, ndodhi mbi madhësinë e turmës së inaugurimit.
Që nga fillimi i presidencës Trump, mediat e SHBA-ve duke përfshirë New york times, Washington Post dhe Politifact, kanë mbajtur shënim cdo rast që e konsiderojnë si të gënjeshtërt nga ana e Trump, si dhe deklaratat mashtruese Politifact, që ndodhet në pronësi të institutit jofitimprures Pointer, aktualisht ka 11 faqe mbi deklaratat e rreme të Trump.
Trump nuk i ka shpëtuar as kritikave nga konservatorët mbi vërejtjet e tij të diskutueshme. Kohët e fundit, republikani i mirënjohur Pol Rajan, ishte njëri nga disa republikanë qe vunë në dyshim pohimet e presidentit se ai mund të ndryshonte kushtetutën përmes një vendimi ekzekutiv.
