Saimir Tahiri është përpjekur t’i përgjigjet pyetjes së gazetarëve në studion e “Opinion” lidhur me cështjen e kanabisit.
“ Po ju kujtoj këtu që kanabisi është mbjellë thuajse në cdo zonë të Shqëipërisë që përpara vitit 2010. Ky fenomen u pa më mrië pasi erdhëm ne në qeveri, ashtu siç u pa fenomeni i lojërave të fatiT dhe shumë fenomene që ne nuk kishim vullnetin t’i fshihnim. Shqipëria ka qenë si Lazarati edhe në Fushë Krujë, në Malësinë e Madhe, etj. Sigurisht kjo është një luftë që nuk mbyllet as brenda një dite e as brenda një viti.
Por, ndërsa gazetari Blendi Fevziu i kujtoi që Tahiri kishte qëndruar për 4 vite ministër, Tahiri u përgjigj:
“Pjesa më e madjhe e juve këtu, që keni ardhur në zyrën time, pse nuk keni ardhur të më pyesni për këtë punë? Ju jeni gazetarë dhe shifrat zyrtare të paktën t’i respektojmë. Është fenomen i vështirë dhe Shqipëria e ka trashëguar prej vitesh. Është fenomen që nxitet nga varfëria dhe jo nga bandat.
Nga mundësia për punësim dhe prospreritet ekonomik. Ke raportet e Guardia di Financës që thonë se ka më pak hashash në 4 vitet e mia se sa 1 vit i Sali Berishës.
Fenomeni mori përmasa se pas lazaratit për policinë ishte e vështirë ta mbante nën kontoll, por ju nuk mund të vini në dyshim punën time dhe vullnetin. Unë në 4 vjet Ministër i Brendshëm i kam kthyer dinjitetin policisë si kurrë më parë dhe për këtë jam 1 miliard përqind I bindur”, tha Tahiri duke shtuar se edhe mund të ketë gabuar, se kush punon edhe gabon, por fajtor nuk është.
“Kush punon edhe gabon, kush nuk punon fërkohet nga Muçi, ohoho”.
