Kjo ekspozitë e emërtuar “FJALA”, ka në përmbajtjen e vetë gjithsej 39 vepra arti, si pejsazhe, interpretim të natyrës me element floreal dhe 8 kompozime që shprehin cilësitë e natyrës njerëzore.
Të gjitha punët janë të realizuara në kanavacë në teknikën e vajit.
Kjo ekspozitë vjen si një përpjekje jo e thjeshtë por plot besim në këtë vështirësi që nuk e ndihmon aspak ekosistemin e artit që të vazhdojë të funksionojë normalisht.
Gjatë kësaj kohe sfiduese në prani të COVID-19, galeritë apo sallat e ekspozimit të artit vizual, përballen me shtyrjet dhe anulimet e veprimtarive dhe aktiviteteve. Hapja e kësaj ekzpozite është realizuar me dëshirën dhe mendimin për të inkurajuar artistët dhe dashamirësit e artit, për të parë drejt një të ardhmeje më të mire që të ketë më shumë mirësi dhe harmoni në shoqërinë njerëzore.
Nëpërmjet çdo kuadrati të kësaj ekspozite, i thirret njeriut si një qenie e përgjegjshme për vetveten dhe për mjedisin në të cilin jeton, duke i sugjeruar një kurs të ri jetësor me sloganin “para së gjithash një shëndet shpirtëror për gjithçka” si vizion për të shpëtuar të ardhmen e vetë njeriut.
AlpeNews.al