Sali Berisha ka folur për mediat në lidhje me zgjedhjet e 6 marsit, ku kandidati që ai mbështestë fitoi bashkinë e Shkodrës.
“Shkodra është simbol i frymëzimit të popullit opozitar sot në Shqipëri. Ajo mbetet e pamposhtura. Unë falënderoj të gjithë ata demokratë dhe anëtarë të partive aleatë që u angazhuan me një përkushtim të veçantë në një fushatë elektorale të kandidatëve tanë.
Rezultati u arrit në kushtet më të vështira, pasi PD u përball në këto zgjedhje jo vetëm me kreun e Meduzës, por edhe me patericën e tij, me shtojcën e tij, Lulzim Bravën i cili sot është demokrati i vetëm në Shqipëri që ndjehet se nuk humbet dhe nuk ka humbur,” tha Berisha.
