Besimtarët bektashinj festojnë sot festën e Sulltan Novruzit. Kjo festë simbolizon ardhjen e pranverës si dhe ditëlindjen e Imam Aliut.
“Nevruzi” vjen nga persishtja dhe do të thotë “Ditë e re”, ndërsa “Sulltan” është titulli i lartë që tregon rëndësinë e kësaj dite. Festa e Sulltan Novruzit ka mbërritur në viset shqiptare së bashku me besimin bektashian, në shekujt XV-XVI.
Në Shqipëri ndodhet Kryegjyshata Botërore e Bektashizmit e cila vizitohet cdo vit nga besimtarë dhe turistë nga e gjithë bota.
Kjo festë festohet në shumë vende të botës nga data 22 mars deri më 26.
Bektashinjtë gatuajnë ushqimet karakteristike, që janë byreku me 12 lloj të ndryshme barishtesh,(spinaq, lëpjetë, majdanoz, fletë lakre, kopër, gjethe prasi etj). Bimët e tokës simbolizojnë jetën e re që çel në pranverë dhe begatinë, brenda në byrek futet edhe një monedhë metalike.
Besimtarët e kësaj feje në këtë ditë feste pijnë një gotë qumësht, që simbolizon lindjen e një dite të re.
