Gjithçka nisi në 2016 kur Donald Lu me deklaratën e tij të fortë për “Peshqit e mëdhenj” nxorri në pah emrin e Klement Balilin dhe faktin se nuk e kuptonte pse nuk ishte arrestuar ende.
E fill pas kësaj, vijuan deklaratat ku thuajse në çdo intervistë apo reagim ishte emri I Klement Balilit dhe dështimi I policisë dhe drejtësisë shqitpare.
Kujtojmë se edhe ambasada amerikane shpesh ka ironizuar me “Peshqit e Mëdhenj”.
AlpeNews.al, risjell disa nga momentet kyçe ku Donald Lu, të cilit duket se iu plotësua dëshira sot, ka kërkuar arrestimin e “Escobarit të Ballkanit”:
14 Dhjetor 2016
“Dështimi më i madh është moskapja e Klement Balilit”.
Tetor 2017
“Magjistari Klement Balili, një trafikant droge i kërkuar nga agjencia e DEA-s por që ia ka dalë t’i shpëtojë drejtësisë shqiptare falë paaftësisë së prokurorëve, policisë dhe Ministrisë së Drejtësisë”.
5 Prill 2018:
“Klement Balili, po ashtu me mandat arresti ndërkombëtar. Ne, amerikanët, besojmë se është ende në Shqipëri dhe ka mundësi të arrestohet në ditët që vijnë.”
5 Korrik 2018
“Dua të theksoj një dështim të Qeverisë dhe Prokurorisë. Dështimi për të arrestuar Klement Balilin. Ai është një bos i krimit të organizuar me lidhje politike. Për dy vjet, nuk kanë pasur aftësinë ose vullnetin për ta arrestuar. Asnjë nuk është mbi ligjin.”
13 Shtator 2018″
“Kjo luftë kundër krimit të organiuar është e stërmadhe dhe do të kërkojë sakrifica reale nga qeveria. Unë, për vete, jam i skandalizuar që dy vjet e gjysmë pasi qeveria greke nxori urdhër-arrestin, ende nuk e kemi kapur Klement Balilin. Jam i skandalizuar.”
2 Tetor 2018:
“Emiljano Shullazi është një nga këta grupe kriminale. Lulzim Berisha, i cili u lirua gabimisht. Klement Balili i shpëtoi drejtësisë për 18 muaj. Ka shumë Shullazë, Lul Berisha e Klement Balili në Shqipëri”, tha Lu.”
Përgatiti: AlpeNews.al
