Policia e Shtetit ka zhvilluar nje megaoperacion sot në qytetin e Vlorës ku ka sekuestruar rreth 630 kg kanabis si dhe ka vënë në pranga 6 persona.
Mes të arrestuarve, ishte dhe Petraq Selamaj, i cili u kap në Sazan me mjetin lundrues tip gomone, me të cilin do të kryenin trafikimin e lëndës narkotike për në Itali.
Por 40-vjeçari nuk është krejt i panjohur nga autoritetet, madje edhe nga ato italiane. I lindur në Berat dhe banues në Vlorë, ai është arrestuar dhe më herët për trafik drogë.
Më 26 dhjetor 2012, një ditë pas Krishtlindjeve ai u ndalua nga policia e Leçes, ndërsa drejtonte gomonen plot me kanabis.
Për më shumë se 4 orë, në atë kohë, policia sekuestroi gomonen me 415 kilogram marijuanë, me vlerë rreth 2 milionë euro. Në gomone Selamaj ishte i vetëm.
Petraq Selamaj u mbajt nën vëzhgim nga deti dhe ajri. Pasi arriti në breg ai dorëzoi çantat tek njerëzit e tjerë që e prisnin, ai nuk mundi të kapej nga autoritetet italaine.
Edhe këtë të diel, në ditën e Pashkëve Katolike, Petraq Selamaj zgjodhi të niste gomonen nga bregdeti i jugut drejt Italisë. Por këtë herë nuk i shpëtoi autoriteteve shqiptare.
