Dy persona janë arrestuar nga policia, pasi akuzohen për vjedhje dhe përvetesim të mallrave të vjedhur. Në pranga janë vënë shtetasit Ardit Muço, 23 vjeç, banues në fshatin Kamçisht, Lushnje dhe Almarin Bufazi, 29 vjeç, banues në fshatin Ngurrëz, Lushnje.
Njoftimi i policise
Specialistët për Hetimin e Krimeve në Komisariatin e Policisë Lushnje, ndaluan shtetasit:
-Ardit Muço, 23 vjeç, banues në fshatin Kamçisht, Lushnje.
-Almarin Bufazi, 29 vjeç, banues në fshatin Ngurrëz, Lushnje.
Ndalimi i tyre u bë pasi shtetasi Ardit Muço më datë 10.11.2017 ka vjedhur me thyerje dyqanin e shtetasit L.V, 29 vjeç, banues në fshatin Kamçisht, dhe mallrat e vjedhur ja ka dhënë për të shitur shtetasit Almarin Bufazi, duke ja bërë të ditur se janë të vjedhura.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Vjedhja”, “Përvetësimi i parave ose mallrave të vjedhur” dhe “Moskallëzim i krimit” parashikuar nga Nenet 134, 287/b, 300 të Kodit Penal.
