Drejtësia italiane ka nisur hetimet rreth vdekjes së Bosit të bosave, Toto Riina. Sipas dyshimeve paraprake thuhet “ka qenë vrasje e qëllimshme”.
Mbi këto pretendime do të nisë autopsia e trupit të Riinas. Mësohet se autopsia e Toto Riinës do të bëhet këtë të shtunë. Ai vdiq pak ditë pasi kishte mbushur 87 vjeç, por kishte disa ditë që ishte në gjendje kome.
Si ka ndodhur ngjarja
Bosi i mafias i siciliane Salvatore “Toto” Riina ka ndërruar jetë nga kanceri, njoftojnë mediat italiane, mëngjesin e djeshëm.
87 vjeçari u bë i njohur për mbarë botën si shefi më i frikshëm i Cosa Nostrës, dhe u burgos në vitin 1993.Ai po vuante 26 dënime të përjetshme dhe besohet të ketë urdhëruar më shumë se 150 vrasje.
Riina kishte qenë në koma mjekësore dhe familjes së tij i ishte dhënë leje e veçantë për ta vizituar në spitalin e të burgosurve.Djali më i madh i bosit të mafias, Giovanni, po vuan gjithashtu një dënim të përjetshëm në burg.
I ashtuquajtur “La Belva” (“Bisha”), Toto Riina mbretëroi nën terror përgjatë 20 viteve në Siçili dhe brenda grupit të Cosa Nostras, kontrollin e të cilës e kishte marrë duke nisur nga vitet 70.
Akuzuar për komandimin e më shumë se 150 vrasjeve, dënuar me burgim të përjetshëm, ai njihet kryesisht për urdhërimin e vrasjeve të gjyqtarëve antimafia, Giovanni Falcone (1992) dhe Paolo Borsellino (1993) dhe se ka qenë një prej trurit të sulmeve të përgjakshme në vitin 1993 në Romë, Milano dhe Firence.
Riina fshihej gjithashtu pas një serie bombardimesh mafioze në Romë, Milano dhe Firence në 1993, gjë që lanë 10 të vdekur.
/AlpeNews.al/
