Një plagosje me armë zjarri ndodhi mbrëmjen e djeshme në Komoran të Kosovës.
Siç raportojnë edhe mediat kosovare, i plagosur ka mbetur vëllai i deputetit të Lëvizjes Vetëvendosje, Rexhep Selimit.
Mësohet se i plagosuri ka marrë lëndime, ndërsa ndodhet i shtruar në Qendrën Emergjente të QKUK-së në Prishtinë.
Bëhet fjalë për Islam Selimin. Ndërkohë, për ngjarjen është arrestuar 47-vjeçari Xhevat Nuha, ndërsa arma e krimit është sekuestruar. Sakaq, policia po vijon hetimet për zbardhjen e ngjarjes në fjalë.
***
Lajmin për KTV-në e ka konfirmuar edhe deputeti Rexhepi.
“Po, është vëllai im. Nuk i di rrethanat, pasi që ndodhem jashtë Kosovës“, ka thënë ai.
Islam Selimi, vëllai i deputetit të Vetëvendosjes në Kuvend, Rexhep Selimi ka mbetur i plagosur nga të shtënat me armë zjarri në Komoran të Drenasit, të premten në mbrëmje.
Burimet nga vendi i ngjarjes i kanë treguar KTV-së se Selimi i ka shkuar në shtëpi Xhevat Nuhës, me ç’rast ka pasur përplasje fizike mes tyre.
Nuha më pas e ka përdorur armën duke e plagosur Selimin, i cili ka marrë trajtim mjekësor në QKUK.
Policia e Kosovës e ka arrestuar Nuhën në vendin e ngjarjes. Motivet e përplasjes nuk dihen ende.
