Biznesmeni Arjan Ferracaku i vrarë dje me kallashnikov ishte një adhurues i hipizmit dhe pikërisht u vra teksa ishte duke kalëruar në zonën e Livadhes. Pak orë para ngjarjes, 33-vjecari kishte bërë një njoftim në rrjetet sociale ku apelonte për t’u regjistruar në garën me kuaj që do të zhvillohej nga Akademia e Hipizmit ‘Vllaznia’ nga data 1 deri më 14 shtator. 33-vjecari njoftonte se regjistrimi bëhej kundrejt pagesës dhe se gara do të mbahej në datë 15 shtator në Velipojë tek hoteli në pronësi të familjes së tij ‘Fantazia’.
