Një ngjarje e rëndë ka ndodhur gjatë mbrëmjes së djeshme në Burrel ku një përson që më pas është arrestuar nga policia ka kanosur një shtetase.
Ja njoftimi i plotë i poliicisë për ngjarjen:
Kanos për motive të dobëta një shtetase, si dhe duke drejtuar automjetin në gjendje të dehur përplaset me një tjetër automjet.
Arrestohet në flagrancë nga Policia. Nga Shërbimet e Policisë Rrugore në D.V.P.Dibër, u arrestua në flagrancë shtetasi : Sh. M, 48 vjeç, banues në Lis-Mat, (i dënuar më parë për veprën penale “Plagosja e rëndë me dashje”).
Arrestimi i tij u bë pasi për motive të dobëta, në qytetin e Burrelit ka kanosur shtetasen L.B, dhe më pas ky shtetas duke drejtuar automjetin e tij tip ‘Mitsubishi’, në gjendje të dehur, nuk i është bindur urdhërit të punonjësit të policisë për të ndaluar por është larguar me shpejtësi dhe për pasojë është përplasur me një automjet tip ‘Benz’, me drejtues shtetasin Y.P, duke shkaktuar vetëm dëme materiale.
Materialet do ti referohen Prokurorisë Pranë Gjykatës së Shkallës së Parë Mat, për veprat penale “Drejtim i mjetit në mënyrë të parregullt”, ”Mosbindje ndaj urdhërit të Punonjësit të Policisë” dhe “Kanosje”, parashikuar nga nenet 291, 242 e 84 të Kodit Penal.
