Ndërron jetë në spitalin e Tiranës vajza 1 vjeç e gjysmë, e cila konsumoi disa ditë më parë aksidentalisht metadon dhe u dërgua nga Saranda në kryeqytet. E mitura ndërroi jetë sot në orët e para të mëngjesit. Ajo u nis të dielën me helikopter nga Spitali i Sarandës pasi kishte marrë ndihmën e parë.
Fëmija dyshohet se kishte konsumuar metadon në një banesë në Delvinë. Mësohet se metadoni ishte lënë mbi tavolinë nga daja i saj, i cili dyshohet se ishte përdorues lëndësh narkotike. Vajza e mitur ishte fëmija i një shtetasi italian dhe nënën e kishte nga Delvina./
