Disa punonjës të OSHEE-së në Gjirokastër kanë ndezur qirinj dhe kanë vendosur lule në vendin ku humbën jetën Selfo Kallfa dhe Ismet Isaraj dy ditë më parë.
Eletriçistët kanë mbajtur homazhe për kolegët e tyre që ndërruan jetë në mënyrë tragjike, në ujërat e lumit Drino teksa ishin në krye të detyrës.
Selfo Kallfa 52 vjeç dhe Ismet Isaraj 64 vjeç kishin dalë për monitorimin e një defekti në rrjetin shpërndarës, por makinën me të cilën udhëtonin e mori rrjedhja e ujit teksa tentuan të kalojnë mes lumit.
Trupat e pajetë u nxorën nga polumbarët e RENEA-s.
