Një shqiptar është vënë në pranga nga policia italiane, pasi sulmoi me thikë disa herë ish-gruan e tij, raportojnë mediat italiane. Ngjarja e rëndë ndodhi në Suzzara, në zonën e Mantovës ditën e hënë. Ish –gruaja ishte në parking në momentin që ju afrua 48 –vjeçari duke e ofenduar dhe më pas e sulmoi disa herë më thikë. Mësohet se ajo ka marrë plagë në gjoks dhe në fytyrë.
Më pas ai u largua nga vendngjarja, duke e lënë atë të shtrirë në tokë në gjendje shumë të rëndë shëndetësore. Ishin kalimtarët e rastit ata të cilët njoftuan ambulancën, por edhe policinë, ku kjo fundit arrit të arrestonte shqiptarin shumë pranë vendit ku ndodhi ngjarja teksa po përpiqej për tu fshehur midis dy makinave të parkuara.
Mediat italiane raportojnë se shqiptari nuk bëri rezistencë ndaj karabinierëve. Ndërsa gruaja u dërgua në fillim në urgjencën e Suzzarës dhe më pas me helikopter u transportua në spitalin e Mantovës dhe është në gjendje të rëndë shëndetësore.
Nuk dihen ende shkaqet e kësaj ngjarje, policia ka nisur hetimet.
