Një gropë gjigante është hapur në Ponticelli (Napoli) në parkingun e spitalit Del Mare, por për fat të mirë nuk ka të lënduar.
Sipas mediave italiane, një shpërthim ka shkaktuar gropën e madhe rreth pesëdhjetë metra të gjerë. Shembja u shoqërua nga një ulërimë që trembi stafin, pacientët dhe banorët në zonë dhe shkaktoi frikën e një shpërthimi.
Nga hetimet fillestare duket se humbja e oksigjenit nga tubat themelorë mund të ketë shkaktuar “shpërthimin”. Si masë paraprake, pacientët në spitalin për rastet me COVID-19 u evakuuan.
Evakuimi dhe mbyllja e përkohshme u vendos: “për shkak të pamundësisë së garantimit të ujit të nxehtë dhe energjisë elektrike”.
Sa i përket shkaqeve, autoritetet specifikojnë se “për momentin nuk ka asnjë element që të çon të mendosh për një veprim dashakeqës”.
