Një nga vaksinat kandidate kundër COVID-19 që është zhvilluar në Kubë, Soberana 2, është 91.2% efektive pas tre dozave. “Ne kemi potencialin për të prodhuar një vaksinë me 91.2% efikasitet,” tha Vicente Veres, drejtor i Institutit Finley.
Sipas të dhënave vaksina është “91.2% efektive në parandalimin e rasteve simptomatike”, “75.5% në parandalimin e infeksionit” dhe “100% në parandalimin e sëmundjeve serioze dhe fatale”. .
Veres tha në fillim të qershorit se Soberana 2 ishte 62% efektive pas dy dozave. Njoftimi erdhi në një moment kur Kuba, me një popullsi prej 11.3 milion banorësh, po përballet me një rritje të rasteve të reja gjatë 24 orëve.
Numri i të vdekurve në ishullin Karaibe është rritur në 1,431, me një total prej 218,396 rastesh. Shkencëtarët janë duke punuar me pesë vaksina kandidate, dy prej të cilave kanë përfunduar fazën përfundimtare të provave të tyre klinike: Abdala dhe Soberana 2.
Më 21 qershor, kompania farmaceutike publike BioCubaFarma njoftoi se Abdallah, vaksina e parë ka një efektivitet prej 92.28% pas tre dozave.
