Donald Trump më në fund i ka hapur rrugë tranzicionit te presidentit të zgjedhur të SHBA Joe Biden, duke udhëzuar administratoren e agjencisë federale të Shteteve të Bashkuara që është e ngarkuar me këtë proces, që “të bëjë atë që duhet bërë”, por nga ana tjetër ai e ka bërë të qartë se nuk do ta ndalë “luftës” ligjore.
Trump e bëri të qartë të hënën në mbrëmje se fillimi i tranzicionit, i cili do të lejojë Biden të marrë informime ditore të sigurisë dhe të jetë në gjendje të komunikojë me forcën e punës COVID, nuk do të thoshte se ai po pranonte zgjedhjet.
Administrata e Shërbimeve Qeveritare (GSA) hapi dritën jeshile zyrtarisht për tranzicionin presidencial, pak pasi shteti i Miçiganit çertifikoi fitoren e demokratit Biden. Me zhvillimet e fundit, përpjekjet e presidentit Donald Trump për të përmbysur rezultatin e zgjedhjeve të 3 nëntorit, që kishin pësuar disa disfata, duket se po i afrohen përfundimit.
Në një postim të fundit, që është vlerësuar si e diskutueshme nga Tëitter, presidenti aktual premtoi se ai ishte ‘duke lëvizur me shpejtësi të plotë përpara’ dhe u betua se ‘nuk do të pranonte kurrë’ rezultatet e zgjedhjeve.
“Çfarë ka të bëjë që GSA të lejojë të punojë paraprakisht, me vazhdimin e ndjekjes së çështjeve tona të ndryshme për ato që do të konsiderohen si zgjedhjet më të korruptuara në historinë politike amerikane?” pyeti ai, duke iu referuar Administratës së Shërbimeve të Përgjithshme (GSA).
Agjencia është përgjegjëse për mbështetjen e funksionimit të qeverisë federale çdo ditë. GSA është gjithashtu përgjegjëse për tranzicionet presidenciale të cilat mund të fillojnë vetëm pasi agjencia të ketë njohur ‘kandidatin e dukshëm të suksesshëm’. Të hënën, GSA i tha Biden se ishin gati të fillonin tranzicionin.
