Mbyllet Biblioteka Laurenziana në Firence, aty ku u gjet dokumenti i parë i GJUHËS SHQIPE; biblioteka ku ruhen e studiohen mijera thesare te botes mbare. Lajmi qarkullon prej muajsh në mesin e dijetarëve, por tani është zyrtare, shkruan Antonio Carioti për Corriere della Sera i cili e titullon artikullin e tij: “Firence: Ministri kursen, mbyllet biblioteka Laurenziana”.
Biblioteka Laurenziana e Firences rrezikon të dalë jashtë funksionit. Salla për studiuesit është në rrezik. Arsyeja? Shumë e thjeshtë! Ministria për Trashëgimi Kulturore dhe Aktivitete nuk paguan qiranë prej 50 mijë eurove për Curia Florentine e cila zotëron hapësirat e bazilikës së San Lorenzo.
Por kjo nuk është një bibliotekë, çfarëdo, aty gjenden rreth 11 mijë dorëshkrime të ruajtura me specifikat e tyre. Jo vetëm ato që përmbajnë veprat e Taciti, Plini, Eskili, Sofokliu, Kuintiliani, Virgili, Turcius Rufio Aproniano Asterio, por edhe kopja e vjetër e “Corpus Juris Civilis” së Justinianit. Krahas këtyre edhe një nga tre përmbledhjet e plota të dhuruara nga Cosimo Plaku Ficino që përkthejnë kodin Squarcialupi, burimin e vetëm të muzikës laike mes shekujve katërmbëdhjetë dhe pesëmbëdhjetë, historitë e Guicciardini me ndërhyrje nga autori dhe autobiografi e Benvenuto Cellini.
Përveç kësaj një koleksion prej rreth 2,500 papiruseve, rezultat i fushatave italiane të gërmimit në Egjipt. Me pak fjalë, një trashëgimi dokumentare pothuajse unike, e cila duhet të jetë një krenari për Italinë. Fakti që Ministria ka shkurtuar shumën e alokuar për këtë qëllim lë për të dëshiruar. Sidomos pasi situata e pasigurisë vazhdon që nga fillimi i vitit. Kështu, nëse deri më tani salla e studimit nuk është mbyllur, kjo është vetëm falë ndjeshmërisë kishtare.
“Unë jam duke ndjekur rastin personalisht dhe të hënën do të takohem me drejtorin Rao në Romë për të shqyrtuar të gjitha aspektet. Por unë mund t’ju siguroj se dhoma e studimit do të mbetet e rëndësishme për Laurenzianën,” tha Nicola Macrì, drejtor i përgjithshëm për bibliotekat dhe institutet kulturore./ newsbomb
