Kryeministri Edi Rama, gjatë një takimi me nxënës e mësues në Durrës, ku foli për sfidat e këtij viti të ri shkollor, ka treguar rastin e një miku të tij të infektuar me Covid që ka ndërruar jetë.
Rama tha se vëllai i shokut të tij ishte i ri, ndërsa theksoi se Covid të bën gjëmën.
“Jo më larg se dje unë dëgjova për një person që e kam njohur personalisht, vëllai i një shokut tim që humbi jetën e nuk ishte në një moshë shumë të madhe, ishte i ri. Askush nuk e përcakton dot deri në fund se si dhe pse virusi bën gjëmën tek dikush dhe shfaqet në mënyrë komplet të padukshme te dikush tjetër.
Problemi është që shumë nga ne mund ta marrin e se marrin vesh që e kanë, s’ndiejmë asgjë, vazhdojmë jetën normalisht, e prandaj duhet të sillemi sikur e kemi virusin se ia kalojmë familjarëve, miqve e shokëve“, tha Rama.
