Gjatë fushatës, kryetari i bashkisë Erion Veliaj është shfaqur duke bërë punë të ndryshme në shërbim të njerëzve. Ai shprehet në “Rudina” në Tv Klan se një profesion i ardhshëm pas funksionit si kryetar bashkie, do të ishte sërish në shërbim të komunitetit dhe brezave të rinj.
Erion Veliaj: E kam menduar seriozisht se ky është tamam ai që quhet vallëzimi i fundit, me ligj 3 herë mund të jesh kryetar bashkie. Kështu që kam filluar të mendoj çfarë do bëj pas, por do kisha shumë dëshirë të jepja mësim. Nuk e di, profesor në fakultet ose edhe në shkollë të mesme. Më pëlqen të ndaj eksperienca.
Ajo historia në kopshte, çerdhe, shkolla më ka mësuar se sa i rëndësishëm është roli i mësuesit, i dikujt që ka eksperienca në jetë dhe se nuk ka rëndësi t’i pësosh të gjitha këto gjëra. Dikush që është plot me përvoja mund t’i ndajë këto me ty dhe mund të të ndihmojë që të bëhesh qytetar më i mirë.
