Forcat e ushtrisë kanë zbritur në qendër të Lezhës, pasi u kërkuan nga autoritetet vendore.
Niveli i lumit Drin në Lezhë vijon të jetë i lartë, që pasi doli nga shtrati duke përmbytur dhjetëra hektarë tokë.
Sipas informacioneve për mediat, ushtria është vendosur në qendër të qytetit dhe po qëndron në gadishmëri për të ndërhyrë në çdo situatë.
Aktualisht reshjet e shiut po vazhdojnë duke krijuar problematika në disa zona.
Lagja “Besëlidhja” në Lezhë është përmbytur nga vërshimi i ujit, i cili ka hyrë në blloqet e pallateve. Ndërkohë në lagjen e Spitalit disa familje janë të rrezikuara për shkak të gërryerjes së tokës si pasojë e rrëshqitjes së dheut.
Tre banesa (vila) ndodhen në “buzë të greminës” pasi dheu është gërryer aq shumë saqë duket sikur nga momenti në moment ato do të rrëzohen.
Fatmirësisht banorët janë evakuuar duke shmangur një tragjedi të mundshme.
