Një tjetër sasi lënde narkotike është sekuestruar mesditën e sotme në Portin e Durrësit. ABC mëson se forca të shumta të policisë kufitare dhe asaj doganore kanë zhvilluar një operacion në sheshin e kontejnerëve ku në përfundim të kontrollit të tyre është gjetur dhe sekuestruar lënda narkotike.
Gjatë muajit korrik policia kreu tre operacione për sekuestrimin e lëndës narkotike në kontejnerë.
Droga që u gjet në kontejnerët me banane në pronësi të kompanisë “Alba exotic fruts”, gjatë muajit korrik, dyshohet se i përket të njëjtit grup kriminal që në qershor të vitit 2019 iu sekuestrua 137 kg kokainë, e cila përmes dorëzimit të kontrolluar u zëvendësua me oriz.
