14 prona në vlerën e mbi 5 milionë eurove, 3 automjete e dy llogari bankare ka sekuestruar SPAK dy personave të përfshirë në trafikun e kokainës, ndërsa i ka dërguar ata për gjykim. Ata janë Arjan Ndoci njohur dhe si Ardjan Ndoka dhe Julian Deblini njohur edhe si Julian Gjoka të cilët janë kapur në Spanjë me 788 kg kokainë dhe 1.25 milion euro cash.
Në kuadër të hetimeve të procedimit penal nr.72/2019 dhe veprës penale të pastrimit të parave, janë sekuestruar në Shqipëri, si produkt i veprës penale, pasuri të paluajtshme dhe të luajtshme e paluajtshme ndodhur në Tiranë si:
Pasuri të palujatshme:
• 8 apartamente, me sipërfaqe totale 905 m2;
• 2 njësi shërbimi (lokale), me sipërfaqe totale 280 m2;
• 4 garazhe, me sipërfaqe totale 60 m2;
Pasuri të luajtshme:
• 3 automjete;
• 4. 645.700 lek në llogari bankare;
• 7. 435 euro në llogari bankare.
Këta dy shtetas veç përballjes me drejtësinë në Spanjë tani do të përballen edhe me SPAK për akuzën e pastrimit të parave fituar në kuadër të trafikut të kokainës si grup kriminal.
