Mediat italiane i kanë kushtuar një artikull mafias shqiptare dhe mënyrës se si bën biznes me drogën.
Sipas Leggo Tenerife, ishujt Kanarie shërbejnë si ura e trafikut të kokainës në kontinentin Europian.
3000 euro e marrin 1 kg drogë në Amerikë Latine, dhe më pas në shitje e shumëfishojnë duke e dhënë për 25 mijë euro.
Kjo skemë e mafias shqiptare dhe ballkanike u zbulua nga një grup i famshëm kriminal i Malit të Zi, që u çmontua nga policia dhe bëri që kontrabandistët të nxirrnin sekretet.
Autoritet spanjolle zbuluan skemën e hyrjes në Europë por nuk treguan origjinën e drogës (për të shmangur rrezikimin e operacioneve të mëtejshme.
Në korrik 2021, zyra e prokurorit publik kolumbian akuzoi shtetasin shqiptar Agim Cerma se ishte kreu i një rrjeti të trafikut të kokainës në Evropë. Për të marrë drogën, Cerma thuhet se mbante lidhje me grupin e trafikantëve të drogës në Los Urabeños dhe qelizat disidente të Forcave të Armatosura Revolucionare të Kolumbisë (FARC), sipas prokurorëve kolumbianë.
Amerika Latine është kthyer në destinacionin numër 1 të ballkanasve përfshi shqitparëve për biznesin e drogës. Platforma prestigjoze, Insight Crime, zbulon se nga atje shqiptarët furnizojnë Europën.
Negociatat e biznesit organizohen përmes kontakteve të drejtpërdrejta me prodhuesit dhe trafikantët vendas për të siguruar çmimin më të mirë për blerjet me shumicë. Disa kriminelë shqiptarë kanë qenë të suksesshëm, siç është karteli Kompania Bello, i çmontuar në shtator 2020, udhëheqësi i të cilit operonte nga një qeli burgu ekuadoriane.
Grupet shqiptare tani dominojnë trafikun e kokainës në disa vende evropiane, veçanërisht në Mbretërinë e Bashkuar. Spanja është bërë gjithashtu “një qendër strategjike për disa grupe kriminale në Ballkanin Perëndimor.
