Një makinë është djegur mbrëmjen e djeshme në Vlorë. Bëhet e ditur se ngjarja ka ndodhur në lagjen “1 Maji” dhe automjeti tip “Volkswagen” është në pronësi të drejtoreshës së Tatimeve në bashkinë Vlorë, Anjeza Shiko.
Për këtë ngjarje janë shoqëruar në komisariat, disa persona të dyshuar lidhur me ngjarjen.
“Mbrëmjen e djeshme, në lagjen “1 Maji”, Vlorë, ka rënë zjarr dhe është djegur një automjet tip “Volkswagen”, në pronësi të shtetases A. Sh., banuese në Vlorë (funksionare e bashkisë Vlorë). Shërbimet e Policisë kanë shoqëruar në Komisariat, disa shtetas të dyshuar lidhur me ngjarjen”, sipas policisë.
Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit.
