Vjen denoncimi i parë publik lidhur me zgjedhjen e organeve të reja të reformës në drejtësi. Enida Bozheku, një juriste që ka konkuruar për këshilltare ligjore dhe nuk ka fituar, deklaron se ka patur parregullsi gjatë këtij konkurimi.
E ftuar në nje emision televiziv, juristja Bozheku e diplomuar në universitetin “La Sapienza” të Romë tha se nga 200 konkurentë fituan 7 por pakënaqësitë mes konkurentëve ishin të mëdha.
“Ka patur mospërputhje të disa fituesve me kohën që ata kanë ndjekur shkollën dhe me kohën e punës” tha Bozheku duke shtuar se kjo duhet ti skualifikonte atë që në paraqitjen e dokumentacionit. Më datën 27 dhjetor doli njoftimi sipas të cilit u bën publikë fiteusit.
Ja njoftimi:
Mbledhja e Gjyqtarëve të Kolegjit të Posaçëm të Apelimit, me vendimin nr.14 datë 27.12.2017, ora 14:14, vendosi të emërojë në pozicionin e këshilltarëve ligjorë kandidatët si më poshtë:
1. Betula Toto
2. Denis Roka
3. Eglantina Bakiu
4. Jonida Hoxha
5. Odise Xhelita
6. Olivia Hoxha
7. Olsa Nikolla
Ju falenderojmë për pjesëmarrjen në këtë proces dhe bashkëpunimin gjatë tij.
Kolegji i Posaçëm i Apelimit
