Mediat britanike kanë publikuar hartën që tregon se ku SHBA dhe aleatët, Britania dhe Franca, i kanë dislokuar artilerinë e rëndë për të goditur Sirinë, në përgjigje të sulmit të dyshuar kimik që ka tensionuar marrëdhëniet e tyre me Rusinë.
Vendimi për goditjen e Rusisë, duket se është marrë, pasi deklarata e fundit e Donald Trump në rrjetet sociale, ku i bënte thirrje Rusisë “të bëhej gati”, e ka nënkuptuar këtë.
Sipas “Daily Mail”, SHBA ka pozicionuar në Mesdheun Lindor shkatërruesit e raketave “Donald Cook”. Po aty është edhe armata franceze dhe nëndetëset amerikane, shkruan “Panorama”.
Donald Cook, u pozicionua rreth 100 kilometra nga porti sirian i Tartusit, ku ndodhet një bazë ushtarake e marinës ruse.
Në Qipro janë të pozicionuat avionët “raf tornados”, në Siri janë forcat speciale amerikane që përfshijnë helikopterë, drone, eksplozivë, armë silencioze.
Në Misuri janë pozicionuar avionët bombardues amerikanë “B22 Spirit” dhe bombat nukleare antibunker.
Në Lindjen e Mesme është pozicionuar baza e avionëve bombardues amerikanë. Në bazën ajrore të Omanit janë vendosur avionët bombardues “F22 Raptors”.
Në foton më poshtë, mund të shihni edhe se sa kushtuar përgatitja e bazave ushtarake gati për luftë kundër Sirisë.
Pas kërcënimit të Trump, alarmi nga BE: Kujdes se brenda 72 orëve…
Eurocontrol, një organizatë e Bashkimit Evropian e cila është përgjegjëse për trafikun ajror në kontinent, ka ngritur alarmin ndaj operatorëve të fluturimit në Mesdheun lindor, duke paralajmëruar ata që të jenë gati për nisjen e raketave të NATO-s në Siri.
“Për shkak të fillimit të mundshëm të sulmeve ajrore në Siri me raketa ajrore dhe / ose të lundrimit brenda 72 orëve të ardhshme dhe mundësinë e ndërprerjes së përhershme të pajisjeve të radiovalëve, duhet të merret në konsideratë kur planifikohen operacionet e fluturimit në zonën e Mesdheut Lindor / Nikosia FIR”, thuhet në njoftim.
Me këtë njoftim paralajmërohen pilotët që të jenë të gatshëm për rreziqet e fluturimit dhe pengesat që mund të lindin.
Të hënën, Presidenti i SHBA Donald Trump tha se ai ishte “shumë i fuqishëm dhe shumë serioz në ato që thoshte” duke marrë parasysh veprimin ushtarak kundër qeverisë së Bashar Assadit lidhur me sulmin e dyshuar kimik në Douma në Siri më 7 prill.
Trump tha se një “vendim i madh” do të merrej brenda 24-48 orëve të ardhshme.
Një sulm ajror u krye të hënën kundër një baze ajrore siriane, megjithëse asnjë shtet nuk mori përgjegjësinë e këtij sulmi.
Panorama
