Në mbledhjen e sotme të KQZ po vendoset për mandatin e deputetëve Aqif Rakipi dhe Gledjon Rahovica.
Ky i fundit i pyetur në lidhje me këtë ngjarje, deputeti Rahovica u shpreh se: “Kam qenë student për Shkenca politike dhe nuk e mbaj mend aspak edhe si rast. Po bëhen gati 20 vjet por s’kam menduar të fsheh asnjëherë asnjë gjë, s’kam pasur në asnjë moment urdher ndalimi, arrestim apo hetim, gjykim apo cdo lloj mase tjetër në Itali”.
Deputeti i LSI Rahovica mbrohet nga avokati Ardian Visha.
Avokati Visha tha: Për ne përbën papanueshmëri dokumenti i prokurorisë, nga pikëpamja formale nënshkruhet nga një prokuror që nuk është Prokuror i Përgjithshëm, vjen në shkelje të afateve….
Askund nuk thuhet se ka pasur një fillim të cështjes penale. Nuk ka hetim të nisur ndaj tij”.
Prokuroria e Përgjithshme ka kërkuar në ditët e fundit të 2017 ndërprerjen e mandatit për deputetin e PDIU-së dhe atë të LSI-së, të cilët sipas organit të akuzës rezultojnë se janë subjekt i ligjit të dekriminalizimit.
Sipas vendimit të prokurorisë, të dy deputetëve ju janë marrë shenjat e gishtave në shkurt dhe i janë dhënë Interpolit. Në datën 22 dhjetor Interpol Roma solli të dhëna për dy deputetët.
Të dy deputetët nuk kanë deklaruar ndalimet në formular dhe as përdorimin e emrave të rremë, çka sipas ligjit të dekriminalizimit përbën arsye për ndërprerje të menjëhershme mandati.
Përgatiti:AlpeNews.al
vijon