Kryetarja e Lëvizjes Socialiste për Integrim, Monika Kryemadhi komenton situatën politike në vend, pas zhvillimeve të ditëve të fundit, kur Prokuroria e Krimeve të Rënda ka lëshuar urdhër-arreste për disa ish-zyrtarë të lartë të policisë. Në emisionin “Studio e Hapur” me Eni Vasilin në “News24”, Kryemadhi do flasë për dekonspirimin e urdhrave të policisë ndaj ish-zyrtarëve, të cilët dyshohet se janë të implikuar në trafikun e drogës së bandës së Habilajve.
Kryetarja e LSI do të komentojë edhe dosjen “Tahiri”, si dhe raportet me kryeministrin Rama dhe kryedemokratin Basha.
Kryemadhi tha se zhvillimet e ditëve të fundit në vend, krijojnë një situatë të vështirë për qytetarët shqiptarë. Ajo tha se vendi ka nevojë për një opozitë të fortë.
“Për shqiptarët kjo është një situatë e vështirë, do të thoja një fatkeqësi e madhe. Qytetarët dua bukë, shkolla, siguri, të ardhura, dhe nuk i intereson kjo situata politike. Roli i opozitës është i rëndësishëm në këtë fazë. Sa më e fortë të jetë opozita, aq më i vështirë është që krimi i organizuar të kapë institucionet e shtetit. Besoj se tashmë kemi filluar të rakordohemi. Kjo e vështirë, pasi edhe vetë situata që ka jeta politike shqiptare, përmban shumë faktorë”, u shpreh Kryemadhi.
Pjesë nga intervista
Cili është roli i opozitës?
Kërkohet një opozitë e fortë , pasi nëse është një opozitë të dobët qeveria e ka më të lehtë për të kapur institucionet e shtetit. Ne kemi filluar të rakordohemi, pasi dhe situ\ata është e vështirë.
Dekonspirimi i aksionit, a ka një autor?
Po të bëjmë një kthim mbrapa në kohë, çfarë ndodh e argumentin që ndodhi me imunitetin e Tahiri. Gjithë ajo zvarritje gjithë ajo paradë, ishte një fitim kohe që ju bë jo vetëm zotit Tahiri, por ju bë të penduarit apo të implikuarëve.
Keni informacione për personat që janë në kërkim?
Dekonspirimi fillon që në momentin që nuk ju dha e drejta e prokurorisë. Më pas është mënyra se se si është proceduar. Kjo tregon se personat që janë të përfshirë janë ndihmuar nga policia, duke pastruar territorin. Normal që kush ka qenë drejto i policisë. Unë mendoj se ata janë larguar që në momentin që filloi diskutimi për Tahirin në Parlament. Personat janë njoftuar për tu larguar. Problemi është se sa policia do të jetë e aftë për ti lëshuar urdhër arrest ndërkombëtar. Unë kam përshtypjen se janë rreth Shqipërisë.
