Një biznesmen është dhunuar dhe lidhur gjatë një grabitje të banesës së tij në Nikël të Fushë-Krujës. Ngjarja ka ndodhur në orën 1 të natës, ku 10 persona të armatosur dhe të maskuar kanë hyrë në banesë dhe kanë vjedhur mbi 100 mijë euro. Report Tv ka siguruar videon ekskluzive nga grabitja me armë në banesën e biznesmenit Nazmi Çangu
Grabitësit e maskuar pasi kanë mbyllur në një nga dhomat e banesës gruan dhe 4 fëmijët, më pas kanë marrë biznesmenin Nazmi Çangu, të cilin e kanë rrahur, dhunuar dhe gjuajtur me qytën e armës duke e larë në gjakë për t’i dhënë çelësin e kasafortës ku mbante paratë dhe sendet me vlerë.
10 grabitësit kanë marrë para kesh, dhe florinj, që arrijnë vlerën e mbi 100 mijë eurove.
Familja ka qenë për darkë tek një mik dhe janë kthyer rreth orës 23:00 dhe rreth orës 01:00 të natës grabitësit kanë hyrë në banesë ku i kanë gjetur familjarët në gjumë.
