Aleksandër Vuçiç, është përkulur në arkivolin e Patriarkut të Kishës Ortodokse Serbe, Irinej në ceremoninë e mbajtur sot në Beograd. Këtë herë, ndryshe nga ceremonia e Amfilohijes, kreut tjetër të Kishës Ordodokse Serbe që humbi jetën po nga Covid 19 e nuk u zbatua asnjë masë, u zbatuan përgjithësisht protokollet anti Covid.
Por sërish në nderimin e tij Vuçiç e hoqi maskën dhe kjo pamje u transmetua në të gjithë mediat në vend. Irinej u infektua nga Covid pasi drejtoi meshën për nder të Mafilohijes, kreut të Kishës serbe në Mal të Zi që gjithashtu humbi jetën nga koronavirusi.
Nga ajo ceremoni e Podgoricës që u zhvillua e pengua, janë infektuar një numër i madh banorësh.Një nga editorialistët e mediave në Podgoricë, bëri thirrje që kryeministri i mandatuar Zdravko Krivokapiç, i cili ishte pa maskë dhe ushqeu ndjekësit e tij të bënin të njëjtën gjë në Mal të Zi, të ndiqet penalisht për “terrorizëm”.
Vuçiç arriti në tempullin e Shën Savës me kreun e serbëve të Bosnjës, Milorad Dodik. I cili në mesazhin e tij, e konsideroi Irinejin si njeriun që bashkoj serbët në një njësi të përbashkët.
Dodik deklaroi se Republika Srpska, ka ka qarë ose është gëzuar në 11 vitet e fundit së bashku me Patriarkun Irinej që të ishte me të. Dodik tha se Patriarku Irinej ishte “bariu i të gjithë neve” dhe se ai “fshiu të gjithë kufijtë midis nesh”.
