Autoritetet shëndetësore të Koresë së Jugut sot raportuan për 59 raste të reja të koronavirusit gjatë 24 orëve të kaluara, shifra më e lartë në tre javët e fundit.
Disa nga infeksionet janë pjesë e një shpërthimi pandemik në qytetin Daejeon, jashtë zonës metropolitane të Seulit.
Numri i përgjithshëm i infeksioneve në Korenë e Jugut që nga fillimi i urgjencës ka arritur në 12.257, ndërsa vdekjet e shkaktuara nga virusi në vend janë 278.
Qeveria e Koresë së Jugut vendosi 12 qershorin e kaluar të zgjasë udhëzimet e parandalimit dhe masat shëndetësore të nisura në përgjigje të pandemisë, përballë ‘këmbënguljes’ së shpërthimeve të infeksionit në vend.
