Ndryshe nga Partia Demokratike, në kampin e LSI nuk po zhvillohen zgjedhje për kryetar, ndonëse në 25 prill ishin nga humbësit më të mëdhenj.
LSI arriti të merrte vetem 4 mandate në gjithë Shqipërinë, duke shënuar rekordin më negativ që prej themelimit të saj.
Përveç një reagimi pak dite pas 25 prilli, ku Monika Kryemadhi pranoi humbjen dhe “fajesoi” Bashën per djegien e mandateve, nga kryetarja e LSI nuk ka patur asnjë deklaratë apo dalje publike.
Të rralla janë edhe ato nga selia e partisë ku herë Brahimllari herë Vasili, flasin për vjedhie votash, ndonëse Kolegji Zgjedhor ia rrëzoi poshtë te gjitha kerkesat.
I papritur ishte edhe reagimi i Nora Malajt, ish deputetes së LSI dhe nje nga mbeshteteset më te mëdha të Kryemadhit.
Malaj deklaroi se misionin politik e ka mbyllur, pasi nuk u votua mjaftueshem në zgjedhjet e prillit.
Misionin tim politik e kam mbyllur. Kontributi im prej 20 vitesh në politikë ka qenë shumë luajal. Jam ndër të paktat politikane që i kam duart e pastra dhe asnjëherë se kam tradhëtuar misionin tim.
Politikës i duhen njerëz me personalitet e të guximshëm. Shtatori do sjellë një qasje tjetër të vendimarrjes politike.
E dua forcën politike me të cilën është themeluar dhe skam shanse ta quaj veten te anashkaluar nga kjo forcë. I dhashë mundësitë e mia. Isha e 8 në listë u vlerësova dhe su votova”, tha Malaj.
Kujtojmë se seanca per shkarkimin e Presidentit Ilir Meta do te mbahet ditën e neserme. Meta ka deklaruar se pasi te ikë nga Presidenca do të kthehet në krye të LSI.
Mbetet për tu parë çfarë do të ndodhë me një forcë politike që duket se po tkurret dita ditës.
AlpeNews.al
