Në një intervistë për televizionin shtetëror ERT Tv ministri i jashtëm grek Nikos Kotzias ka folur për problemet me Shqipërinë, një ndër to ishte edhe ligji i luftës.
Kotzias ka vlerësuar vendimin e qeverisë shqiptare për varrezat e reja të ushtarëve grekë, si dhe rindërtimin e kishës në Himarë.
Kotzias tha se është e rëndësishme të trajtohet me seriozitet heqja e ligjit të luftës me Shqipërinë. Ndërsa për çështjen e detit ka thënë se gjërat nuk zgjidhen automatikisht por duhet kohë deri sa të arrihet një rezultat.
Sipas tij “Teoria se të gjitha bëhen automatikisht nuk solli asnjë rezultat prej vitesh. Në emër të maksimalizmit nuk bëhet asgjë”.
