Krerët më të lartë të politikës po marrin pjesë në ceremoninë mortore në kryepeshkopit Anastas Janullatos.
Kjo është hera e parë pas një kohe të gjatë, që dy kundërshtarët politikë të 20 viteve të fundit, janë në krah të njëri- tjetrit. Prej gati një viti, ish-kryeministri Berisha ndodhej në arrest shtëpie me vendim të GJKKO-së, teksa gjatë kësaj periudhe nuk mungonin ironitë e Ramës për mbështetësit që i shkonin nën dritare çdo ditë për të dëgjuar fjalimet e tij.
Megjithatë, teksa pjesëmarrjet në të njëjtat aktivitete duhen kërkuar larg në kohë, në Parlament ata janë marrë vesh rregullisht me njeri-tjetrin, megjithëse njëri në zyrë dhe tjetri në arrest shtëpie. Pakti i fundit mes tyre ishte ai i ndryshimit të Kodit Zgjedhor për mbylljen e listave dhe një tjetër pritet të shënohet këto ditë, sërish në funksion të zgjedhjeve të 11 majit.
