Si çdo vit në Pallatin e Kongreseve, nga data 15 Nëntor deri më datë 18 Nëntor 2017, do të mbahet Panairi i Librit.
Panairi i Librit eshte në një ngjarje të rëndësishme kulturore për botën shqiptare, që do të ketë si objekt paraqitjen e botimeve më të mira të hedhura në qarkullim në harkun kohor të një viti, nga nëntor 2016-nëntor 2017, si dhe përkthime të botimeve të huaja apo kryeveprave botërore që i kane rezistuar kohës.
Ky panair i bashkon të gjithë njerëzit që merren me letrat shqipe: autorët, botuesit, lexuesit, përkthyesit, përfaqësuesit e shtypit dhe të medias etj, me synimin për të krijuar e zhvilluar kontakte tradicionale midis tyre, duke synuar promovimin dhe nxitjen e leximit në masat e gjera, veçanërisht te të rinjtë, në kushtet e mungesës së sistemit të shpërndarjes së librit në vendin tonë.
Këtë vit në panair marrin pjesë 97 shtëpi botuese, dhe nga këto 20 janë nga Kosova.
Panairi nis në 9:00 dhe kemi ceremoninë e hapjes në orën 18:00 ku do të ketë shumë aktivitete. Në këtë panair përgjat 4 ditëve do të mund të takoheni me autorë si dhe të merrni autografe nga autorët që vinë me botime të reja këtë vit.