Gazetarja Anila Hoxha ka dhënë detaje për grabitjen dhe dhunimin e biznesmenit Nazmi Çangu në banesën e tij në Nikël të Fushë-Krujës.
Sipas gazetarës biznesmeni, është monitoruar 4 ditë, para sesa të grabitej dhe dhunohej. Interesant është fakti, se sipas gazetares, grabitësit kur kanë hapur kasafortën nuk janë fokusuar tek paratë, por tek disa dokumente. Dyshohet se biznesmeni jepte para me fajde.
“E kanë monitoruar “viktimën” 4 ditë para se të bënin grabitjen. E kanë ndjekur me një automjet. Fillimisht grabitësit kanë ndërhyrë në kasafortë jo për të marrë para, por dokumente. Dyshohet se kemi të bëjmë me grabitje për çështje të fajdeve. Ky shtetas përmendet në një çështje tjetër, çështja Shullazi, edhe pse ka këmbëngulur se nuk ka asnjë konflikt me Shullazin apo ndonjë tjetër”
Gazetarja Hoxha beson se një kapele e gjetur në pjesën e pasme të vilës mund të çojë policinë në zbardhjen e ngjarjes.
“Policia shpreson se një kapele e gjetur në pjesën të vilës mund të zbulojë edhe autorët. Rezulton se target e automjetit janë të vjedhura në një resort shumë të njohur në Tiranë, po ashtu e vjedhur është edhe makina”, tha gazetarja
Ndërkohë raportohet se gjatë përplasjes, biznesmeni ka kafshuar njërin nga grabitësit dhe këto gjurmë gjaku konsiderohen si një provë shumë me vlerë për hetimin.
Bashkë me dokumentet, grabitësit e veshur si policë morën edhe 100 mijë euro./
