Britania e Madhe po përballet me vështirësi të shumta në betejën e Brexit. Gjatë ditës së djeshme, qeveria e vendit ka botuar “Librin e Bardhë” mbi sistemin e emigracionit.
Mediat vendase raportojnë se ky sistem ka për synim të aplikohet pas miratimit të Brexit, i cili është 109 ditë larg nga ndarja me familjen e Bashkimit Europian
Në një prononcim për mediat, ministri i Brendshëm i Anglisë, Sajid Javid është shprehur: “Sistemi i ri i migracionit, që do t’i japë fund lirisë së qarkullimit të qytetarëve europianë në Britaninë e Madhe dhe u përgjigjet dëshirave të britanikëve për kontrollin e kufijve”.
Ministri thotë se ky do të jetë një sistem migracioni unik, i bazuar mbi kompetencat dhe ekspertizën që mund të sjellin njerëzit dhe jo mbi vendit e tyre të origjinës.