Oleksiy Arestovych, një këshilltar i Presidentit ukrainas Volodymyr Zelensky, thotë se bombardimet ruse në qytetin jugor të Mariupolit kanë shkaktuar më shumë se 2,500 te vdekur.
“Ushtria jonë po ia del mbanë. Dje ata mposhtën një tjetër përpjekje për një përparim të blinduar në Mariupol, morën robër lufte,” tha ai të hënën.
“Më shumë se 2500 njerëz janë vrarë, sipas raporteve zyrtare nga autoritetet e qytetit. Dhe kjo është një katastrofë të cilës bota nuk i ka dhënë një vlerësim të duhur,” shtoi Arestovych.
CNN ka publikuar edhe pamjet me dron të qytetit, duke shtuar se këto shifra te bera publike nga Ukraina ende nuk mund të konfirmohen.
