Një ngjarje e rëndë ka ndodhur në Cërrik, ku një 48-vjeçar ka dhunuar shtazërisht bashkëshorten e tij 14 vjeçe më të vogël, e cila ka përfunduar në spital nga plagët e shumta.
Pas ngjarjes specialistët për Hetimin e Krimit në Komisariatin e Policisë Cërrik kanë arrestuar në flagrancë shtetasin Arben Kume, 48 vjeç, banues në Cërrik.
Sipas informacioneve paraprake mendohet se ka qenë një veprim i bashkëshortes që e ka bërë 48 vjeçarin të “Çmendet” dhe të ushtrojë dhunë mbi bashkëshorten.
Gjithashtu mësohet se çifti kanë një fëmijë të vogël i cili ka qenë i pranishëm në momentin e ngjarjes.
Njoftimi i policisë:
Shtetasi i lartpërmendur, në banesën e tij ka goditur me shkelma dhe grushte bashkëshorten e tij, shtetasen M.K., 34 vjeçe, banuese në Cërrik, e cila ndodhet në spitalin kirurgjik Elbasan, nën kujdesin e mjekëve.
Materialet i kaluan Prokurorisë Pranë Gjykatës së Shkallës së Parë Elbasan, për veprën penale, “Dhuna në Familje”, parashikuar nga neni 130/a/ i Kodit Penal.
AlpeNews.al
