Dje në mbrëmje presidenti Ilir Meta inaguroi klubin e mbështetësve të Celtic Albania, teksa festoi në një lokal të mbushur plot me njerëz.
Atë e shoqëronin ish-futbollisti i njohur Rudi Vata dhe këshilltari i tij Tedi Blushi, teksa kishte edhe njerëz të tjerë që marshuan rrugëve me bluza e shaje të Celtik-ut.
Të gjithë u futën në lokal duke trokitur gotat e birrës, pa maska e distancë 1.5 metra. Ndërsa sot, apeli i Metës është tërësisht në kontraditë me veprimin e tij të një dite më parë.
“Duke ndarë të njëjtat shqetësime me përfaqësuesen e Organizatës Botërore të Shëndetësisë në Shqipëri, theksoj rëndësinë e ndërgjegjësimit të qytetarëve për respektimin e udhëzimeve të bëra publike, për ruajtjen e distancave fizike dhe mbajtjes së maskave.
Shtimi i rasteve të qytetarëve të prekur nga pandemia COVID-19, veçanërisht numrit të viktimave, shtron si domosdoshmëri jetike rritjen e masave mbrojtëse, frymës së bashkëpunimit dhe mbështetjes së sektorit të shëndetësisë me buxhetin e duhur, veçanërisht me afrimin e pikut të sezonit turistik”, shkruan Meta në facebook.
Me një fjalë, bëj si them unë, por mos bëj si bëj unë.