Në rrjetet sociale është shpërndarë një nismë për të penguar me dhunë zgjedhjet lokale të 30 qershorit, datë që kundërshtohet nga Lulzim Basha, Monika Kryemadhi dhe Ilir Meta. Ndërkohë kjo datë gëzon mbështetjen e fortë nga SHBA-BE, qeveria dhe kushtetuta e Shqipërisë. Figura të njohura të së djathtës, ish-ministra, ish-deputetë, anëtarë të Këshillit Kombëtar të PD, kandidatë për deputetë apo edhe pegadogë dhe analistë që janë shprehur gjithnjë publikisht kundër qeverisë, janë bërë pjesë e kësaj nisme, ku bëhet thirrje për pengimin e votimeve më 30 qershor.
Edhe pse numri i figurave publike që mbështet nismën e iniciuar fillimisht nga karikaturisti Bujar Kapexhiu, është shumë i ulët, mediat e djathta i kanë kushtuar shumë rëndësi duke i dhënë hapësirë të madhe. Në një dalje publike për mediat, pas takimit me zv.ambasadoren e SHBA, kryedemokrati Lulzim Basha sulmoi Top Channel dhe TV Klan që nuk kanë pasqyruar lëvizjen #edheunë që në fakt është një nismë e kopjuar nga SHBA.
“Aleanca e qytetarëve shqiptarë është në këmbë, shumë prej tyre kanë dalë publikisht, ndonëse shumë prej mediave që ju përfaqësoni këtu, jashtë vullnetit tuaj i censuron, merrini shihini se çfarë shkruajnë këta artistë, profesorë, intelektualë, në qoftë se ju lënë pronarët që marrin paratë që ju vidhen shqiptarëve. Asnjë nga televizionet kombëtare nuk e pasqyron lëvizjen #edheune, dy veglat qorre të Edi Ramës, nuk e pasqyrojnë”, tha Basha. Por kush janë pedagogët dhe artistët e pavarur që janë censuruar sipas Lulzim Bashës? Gazeta SHQIP po sjell disa nga emrat që janë pjesë kësaj nisme dhe që janë zotuar publikisht se do të pengojnë me dhunë zhvillimin e zgjedhjeve të 30 qershorit. Siç shihet, kemi të bëjmë me figura të PD dhe së djathtës, jo vetëm mbështetës, por që kanë qenë edhe pjesë e brëndshme e partisë. Ndaj pyetja që i shtrojmë sot Lulzim Bashës është: Për kë intelektualë dhe artistë e keni fjalën?
Besnik Mustafaj, ish-ministër i Jashtëm i PD,
djali i tij, Andi Mustafaj pjesë e Këshillit Kombëtar të PD Mark Marku,
pedagog dhe ish-deputet i PD Dhurata Shehri, gruaja e Mark Markut,
ish-deputet i PD Agron Gjekmarkaj, pedagog, ama pd, pjesë e çadrës së lirisë, Këshilli Kombëtar i PD, synonte të kandidohej si deputet i PD
Robert Budina, artist, anëtar i Këshillit Kombëtar të PD
Ori Nebiaj, anëtare e Këshillit Kombëtar të PD
Taulanta Jupi, anëtare e Këshillit Kombëtar të PD
Enkel Demi, burri i Mesila Dodës, ish-deputete e PD
Anila Bisha, bashkëshortja e ish-deputetit të PD, Besnik Bisha
Mesa duket, Basha kërkon tu mbushë mendjen shqiptarëve se artistë dhe intelektualë, refuzojnë zgjedhjet e 30 qershorit. Në fakt këta të sipërpërmendurit, janë mbështetës të Partisë Demokratike, dhe jo qytetarë të pavarur.