Ujësjellës Kanalizime Durrës njofton qytetaret se për shkak të një defekti të rëndë, gjatë ditës se sotme dhe të nesërme do të ketë probleme në furnizimin me ujë të pijshëm.
Shkak i defektit ka qenë ndërprerja e menjëhershme e energjisë elektrike në stacionin e pompave në Fushë Kuqe. Kjo ndërprerje shkaktoi një çarje të madhe të tubacionit kryesor në një gjatësi prej 1 m.
Për riparimin e defektit janë dashur rreth 16 orë punë nga pasditja e djeshme. Ujësjellës Kanalizime Durrës kërkon mirëkuptimin e qytetarëve për këtë situatë deri ne normalizimin e furnizimit me uje.
