Detaje të reja janë zbardhur nga atentati i ndodhur në Don Bosko, ku mbetën të plagosur Kastriot Elezaj dhe Renaldo Metushi.
Mësohet se atentatorët kanë ndjekur prej disa ditësh lëvizjet e shënjestrës. Ndërsa ditën e ngjarjes autorët kanë pritur për gati 30 minuta në afërsi të lokalit ku ndodhi ngjarja dhe kanë parkuar në një cep pallati. Ky detaj tregon se kanë qenë të mirëinformuar se objektivi i tyre do të ulej në lokal.
Pasi dy të plagosurit janë ulur në verandë, nga kamerat e sigurisë, autorët janë filmuar duke lëvizur me automjet për t’u siguruar se ndodheshin në lokal dhe kanë saktësuar tavolinën ku ishin ulur.
Më pas janë rikthyer para lokalit, kanë kthyer makinën sepse rruga te pallati është rrugë qorre, kanë qëlluar dhe janë larguar menjëherë nga vendngjarja.
Sa i përket itinerarit, nga këqyrja e pamjeve të kamerave të grupit hetimor, u zbulua se makina ka ardhur nga Kamza, te Liqeni i Paskuqanit, ka hyrë në afërsi të Bulevardit të Ri dhe është futur në zonën e ngjarjes. Të njëjtin intinerar ndoqi edhe në kthim, derisa e dogjën makinën në Qerekë, sapo kalon Kamzën.
Në Qesarekë autoret kanë studiuar zonën më parë për të vendosur se ku do të digjej automjeti pasi zona nuk ka mbulim me kamera sigurie. Ndërkohë, targa qe ka qenë i pajisur automjeti i autorve i përket një makinë ne Valias të Kamzës. Këto targa janë të dubluara dhe nuk ka pasur denoncim.
