Dy shqiptarë janë arrestuar për tentative vrasje ndaj një efektivi policie në Spanjë.
Siç raportojnë mediat spanjolle, pasditen e së martës, dy shqiptarët 22 dhe 24 vjeç, hynë në një garazh për të vjedhur, por aty u shfaq një efektiv policie.
Shqiptarët, identiteti i të cilëve nuk bëhet i ditur u larguan në këmbë, ndërsa agjenti iu vu pas me makinë.
Në një moment ai i arrin dhe tenton ti arrestojë. Një përleshje lindi mes tyre dhe efektivi mori 9 goditje me thikë. Ai u transportua në spital në gjendje të rëndë, megjithatë raportohet se ndodhet jashtë rrezikut për jetën.
Pas plagosjes, dy shqiptarët u larguan për tu arrestuar disa orë më pas nga një patrullë policie.
Këtë të enjte, gjykata vendosi ndaj tyre masën e arrestit me burg.
