Policia në Gjirokastër ka arrestuar një 25-vjeçar, pasi dyshohet se ka ushtruar dhunë fizike ndaj familjarëve të tij.
Në prangat e policisë ra shtetasi me inicialet Dh.M.
“Komisariati i Policisë Gjirokastër arrestoi në flagrancë shtetasin Dh. M., 25 vjeç, banues në Gjirokastër, pasi ka ushtruar dhunë fizike, ndaj familjarëve të tij”, njoftoi policia.
Një tjetër shtetase u procedua, pasi dyshohet se ka dhunuar vajzën e saj.
“U procedua V. K., 38 vjeçe, banuese në Gjirokastër, pasi dyshohet se ka ushtruar dhunë fizike dhe psikologjike, ndaj vajzës së saj”, thuhet në njoftim.
