Ministri i Brendshëm, Taulant Balla ka reaguar pas arrestimit të Elmir Tufës, një person i shpallur në kërkim për vrasjen e Shkëlzen Kastriotit në Fier.
Me anë të një postimi në Facebook, Balla teksa përgëzon punën e policisë, thotë se ka ende shumë ngjarje të pazbardhura që nuk mund të harrohen nëse autorët nuk përballen me drejtësinë.
“Një tjetër person me rrezikshmëri të lartë, i shpallur në kërkim për vrasje, u ndalua sot nga Forca Operacionale e Drejtorisë së Policisë Tiranë.
Nuk duhet të harrojmë se kemi ende shumë persona në kërkim, ngjarje të rënda pa autor, e vrasje të vjetra që nuk mund të harrohen nëse autorët nuk përballen me drejtësinë. Përgëzime për sot”, shkruan Balla.
