“Shqipëria është një prej 10 top destinacionet më të mira në Europë, për verën e 2018-ës”, – kështu shkruanin që në fillim të vitit mediat e huaja europiane dhe ato ndërkombëtare.
E kjo ka bërë që kryeministri Rama të reagojë lidhur me shifrat e hyrjeve dhe daljeve të pasagjerëve nga transporti ajror në Shqipëri.
Në faqen e tij në ‘FB’, Rama shkruan:
“MIRËMËNGJES
dhe me këto tregues të rritjes mbresëlënëse gjatë 6 viteve të fundit në numrin e pasagjerëve të transportit ajror, si edhe me lajmin e mirë që në 5 muajt e parë të vitit, hyrjet e të huajve në vendin tonë janë rritur me 9.7% krahasuar me të njëjtën periudhë të një viti më parë, ju uroj një ditë të bukur”.
