Detaje të reja nga plagosja me armë zjarri mbrëmjen e kaluar në Kinostudio.
Mësohet se ka pasur shkëmbim zjarri mes disa personave, të cilët janë konfliktuar në një pikë bastesh.
Më pas, sherri ka vijuar edhe në rrugë, ku personat e përfshirë në konflikt kanë nxjerrë armët dhe kanë qëlluar njëri-tjetrin. Burime nga policia konfirmojnë se janë plagosur dy persona, ndërsa dyshohet dhe për një të tretë.
Report Tv sjell foto nga vendngjarja, ku janë gjetur mbi dhjetë gëzhoja.
Nuk dihen ende shkaqet e konfliktit dhe as gjendja e personave të plagosur, të cilët janë në spital, por nuk jepet informacion për ta. Policia vijon hetimet për të zbardhur ngjarjen e plotë, ndërsa ka shoqëruar katër persona për t’i marrë në pyetje.
